||om tat sat||

Select text in Devanagari Telugu Kannada Gujarati English

ಶ್ರೀ ಶ್ರೀಚಣ್ಡಿಕಾ ಧ್ಯಾನಮು
ಯಾಚಣ್ಡೀ ಮಧುಕೈಟ ಬಾಧಿದಲನೀ ಯಾ ಮಾಹೀಷೋನ್ಮೂಲಿನೀ
ಯಾ ಧೂಮ್ರೇಕ್ಷಣಚಣ್ಡಮುಣ್ದಮಥನೀ ಯಾ ರಕ್ತ ಬೀಜಾಶನೀ|
ಶಕ್ತಿಃ ಶುಮ್ಭನಿಶುಮ್ಭದೈತ್ಯದಲನೀ ಯಾಸಿದ್ಧಿದಾತ್ರೀ ಪರಾ
ಸಾ ದೇವೀ ನವಕೋಟಿ ಮೂರ್ತಿ ಸಹಿತಾ ಮಾಂಪಾತು ವಿಶ್ವೇಶ್ವರೀ||
||ಓಮ್ ತತ್ ಸತ್||
=============
ಶಕ್ರಾದಿ ಸ್ತುತಿ
ದೇವೀ ಮಾಹಾತ್ಮ್ಯೇ ಚತುರ್ಧೋಧ್ಯಾಯಃ||

ಋಷಿರುವಾಚ||
ಶಕ್ರಾದಯಃ ಸುರಗಣಾ ನಿಹತೇಽತಿ ವೀರ್ಯೇ
ತಸ್ಮಿನ್ ದುರಾತ್ಮನಿ ಸುರಾರಿಬಲೇ ಚ ದೇವ್ಯಾ|
ತಾಂ ತುಷ್ಟುವುಃ ಪ್ರಣತಿ ನಮ್ರ ಶಿರೋಧರಾಂಸಾ
ವಾಗ್ಭಿಃ ಪ್ರಹರ್ಷಪುಲಕೋದ್ಗಮಚಾರುದೇಹಾ ||1||

ದೇವ್ಯಾ ಯಯಾ ತತಮಿದಂ ಜಗದಾತ್ಮ್ಯ ಶಕ್ತ್ಯಾ
ನಿಃ ಶೇಷದೇವಗಣಶಕ್ತಿ ಸಮೂಹಮೂರ್ತ್ಯಾ|
ತಾಮಮ್ಬಿಕಾಂ ಅಖಿಲದೇವ ಮಹರ್ಷಿಪೂಜ್ಯಾಂ
ಭಕ್ತ್ಯಾ ನತಾಃ ಸ್ಮ ವಿದಧಾತು ಶುಭಾನಿ ಸಾ ನಃ||2||

ಯಸ್ಯಾಃ ಪ್ರಭಾವಮತುಲಂ ಭಗವಾನನನ್ತೋ
ಬ್ರಹ್ಮಾ ಹರಶ್ಚ ನ ಹಿ ವಕ್ತು ಮಲಂ ಬಲಂ ಚ|
ಸಾ ಚಣ್ಡಿಕಾಽಖಿಲ ಜಗತ್ಪರಿಪಾಲನಾಯ
ನಾಶಾಯ ಚಾಶುಭಭಯಸ್ಯ ಮತಿಂ ಕರೋತು||3||

ಯಾ ಶ್ರೀಃ ಸ್ವಯಂ ಸುಕೃತೀನಾಂ ಭವನೇಷ್ವಲಕ್ಷ್ಮೀಃ
ಪಾಪಾತ್ಮನಾಂ ಕೃತಧಿಯಾಂ ಹೃದಯೇಷು ಬುದ್ಧಿಃ|
ಶ್ರದ್ಧಾ ಸತಾಂ ಕುಲಜನಪ್ರಭವಸ್ಯ ಲಜ್ಜಾ
ತ್ವಾಂ ತ್ವಾಂ ನತಾಃ ಸ್ಮ ಪರಿಪಾಲಯ ದೇವಿ ವಿಶ್ವಮ್||4||

ಕಿಂ ವರ್ಣಯಾಮ ತವರೂಪ ಮಚಿನ್ತ್ಯ ಮೇತತ್
ಕಿಞ್ಚಾತಿ ವೀರ್ಯಮಸುರಕ್ಷಯಕಾರಿ ಭೂರಿ|
ಕಿಂ ಚಾಹವೇಷು ಚರಿತಾನಿ ತವಾತಿ ಯಾನಿ
ಸರ್ವೇಷು ದೇವ್ಯಸುರದೇವಗಣಾದಿ ಕೇಷು||5||

ಹೇತುಃ ಸಮಸ್ತ ಜಗತಾಂ ತ್ರಿಗುಣಾಪಿ ದೋಷೈಃ
ನ ಜ್ಞಾಯಸೇ ಹರಿಹರಾದಿಭಿರಪ್ಯಪಾರಾ|
ಸರ್ವಾಶ್ರಯಾದಖಿಲಮಿದಂ ಜಗದಂಶಭೂತ
ಮವ್ಯಾಕೃತಾಹಿ ಪರಮಾ ಪ್ರಕೃತಿಃ ತ್ವಮಾದ್ಯಾ||6||

ಯಸ್ಯಾಃ ಸಮಸ್ತಸುರತಾ ಸಮುದೀರಣೇನ
ತೃಪ್ತಿಂ ಪ್ರಯಾತಿ ಸಕಲೇಷು ಮಖೇಷು ದೇವಿ|
ಸ್ವಾಹಾಸಿ ವೈ ಪಿತೃ ಗಣಸ್ಯ ಹೇತು
ರುಚ್ಚಾರ್ಯಸೇ ತ್ವಮತ ಏವ ಜನೈಃ ಸ್ವಧಾ ಚ||7||

ಯಾಮುಕ್ತಿ ಹೇತುರವಿಚಿನ್ತ್ಯ ಮಹಾವ್ರತಾತ್ವಂ
ಅಭ್ಯಸ್ಯಸೇ ಸುನಿಯತೇನ್ದ್ರಿಯ ತತ್ತ್ವಸಾರೈಃ|
ಮೋಕ್ಷಾರ್ಧಿಭಿಃ ಮುನಿಭಿರಸ್ತಸಮಸ್ತದೋಷೈಃ
ರ್ವಿದ್ಯಾಽಸಿ ಸಾ ಭಗವತೀ ಪರಮಾಹಿ ದೇವಿ||8||

ಶಬ್ದಾತ್ಮಿಕಾ ಸುವಿಮಲರ್ಗ್ಯಜುಷಾಂ ನಿಧಾನಂ
ಉದ್ಗೀಧರಮ್ಯ ಪದಪಾಠವತಾಂ ಚ ಸಾಮ್ನಾಮ್|
ದೇವೀ ತ್ರಯೀ ಭಗವತೀ ಭವಭಾವನಾಯ
ವಾರ್ತಾ ಚ ಸರ್ವಜಗತಾಂ ಪರಮಾರ್ತಿಹನ್ತ್ರೀ||9||

ಮೇಧಾಽಸಿ ದೇವಿ ವಿದಿತಾಖಿಲಶಾಸ್ತ್ರಪಾರಾ
ದುರ್ಗಾಽಸಿ ದುರ್ಗಭವಸಾಗರನೌರಸಙ್ಗಾ|
ಶ್ರೀಃ ಕೈಟಭಾರಿಹೃದಯೈಕ ಕೃತಾಧಿವಾಸಾ
ಗೌರೀ ತ್ವಮೇವ ಶಶಿ ಮೌಳಿಕೃತ ಪ್ರತಿಷ್ಠಾ||10||

ಈಷತ್ಸಹಾಸ ಮಮಲಂ ಪರಿಪೂರ್ಣಚನ್ದ್ರ
ಬಿಮ್ಬಾನುಕಾರಿ ಕನಕೋತ್ತಮಕಾನ್ತಿಕಾನ್ತಾಮ್|
ಅತ್ಯದ್ಭುತಂ ಪ್ರಹೃತಮಾತ್ತರೂಷಾ ತಥಾಪಿ
ವಕ್ತ್ರಂ ವಿಲೋಕ್ಯ ಸಹಸಾ ಮಹಿಷಾಸುರೇಣ||11||

ದೃಷ್ಟ್ವಾತು ದೇವಿ ಕುಪಿತಂ ಭ್ರುಕುಟೀಕರಾಳ
ಮುದ್ಯಚ್ಛಶಾಂಕ ಸದೃಶಚ್ಛವಿ ಯನ್ನ ಸದ್ಯಃ|
ಪ್ರಾಣಾನ್ ಮುಮೋಚ ಮಹಿಷಃ ತದತೀವ ಚಿತ್ರಂ
ಕೈರ್ಜೀವ್ಯತೇ ಹಿ ಕುಪಿತಾನ್ತಕ ದರ್ಶನೇನ||12||

ದೇವೀ ಪ್ರಸೀದ ಪರಮಾ ಭವತೀ ಭವಾಯ
ಸದ್ಯೋ ವಿನಾಶಯಸಿ ಕೋಪವತೀ ಕುಲಾನಿ|
ವಿಜ್ಞಾತಮೇತದಧುನೈವ ಯದಸ್ತಮೇತನ್
ನೀತಂ ಬಲಂ ಸುವಿಪುಲಂ ಮಹಿಷಾಸುರಸ್ಯ||13||

ತೇ ಸಮ್ಮತಾ ಜನಪದೇಷು ಧನಾನಿ ತೇಷಾಂ
ತೇಷಾಂ ಯಶಾಂಸಿ ನ ಚ ಸೀದತಿ ಧರ್ಮವರ್ಗಃ|
ಧನ್ಯಾಸ್ತ ಏವ ನಿಭೃತಾತ್ಮಜಭೃತ್ಯದಾರಾ
ಏಷಾಂ ಸತಾಭ್ಯುದಯದಾ ಭವತೀ ಪ್ರಸನ್ನಾ||14||

ಧರ್ಮ್ಯಾಣಿ ದೇವಿ ಸಕಲಾನಿ ಸದೈವ ಕರ್ಮಾ
ಣ್ಯತ್ಯಾದೃತಃ ಪ್ರತಿದಿನಂ ಸುಕೃತೀ ಕರೋತಿ|
ಸ್ವರ್ಗಂ ಪ್ರಯಾತಿ ಚ ತತೋ ಭವತೀ ಪ್ರಸಾದಾ
ಲ್ಲೋಕತ್ರಯೇಽಪಿ ಫಲದಾ ನನು ದೇವಿ ತೇನ||15||

ದುರ್ಗೇ ಸ್ಮೃತಾ ಹರಸಿ ಭೀತಿ ಮಶೇಷಜನ್ತೋಃ
ಸ್ವಸ್ಥೈಃ ಸ್ಮೃತಾ ಮತಿಮತೀವ ಶುಭಾಂ ದದಾಸಿ|
ದಾರಿದ್ರ್ಯದುಃಖಭಯಹಾರಿಣಿ ಕಾ ತ್ವದನ್ಯಾ
ಸರ್ವೋಪಕಾರ ಕರಣಾಯ ಸದಾರ್ದ್ರ ಚಿತ್ತಾ||16||

ಏಭಿಃ ಹತೈರ್ಜಗದುಪೈತಿ ಸುಖಂ ತಥೈ ತೇ
ಕುರ್ವನ್ತು ನಾಮ ನರಕಾಯ ಚಿರಾಯ ಪಾಪಮ್|
ಸಂಗ್ರಾಮ ಮೃತ್ಯುರಧಿಗಮ್ಯ ದಿವಂ ಪ್ರಯಾನ್ತು
ಮತ್ವೇತಿ ನೂನಮಹಿತಾನ್ ವಿನಿಹಂಸಿ ದೇವಿ||17||

ದೃಷ್ಟ್ವೈವ ಕಿಂ ನ ಭವತೀ ಪ್ರಕರೋತಿ ಭಸ್ಮ
ಸರ್ವಾಸುರಾನರಿಷು ಯತ್ಪ್ರಹಿಣೋಷಿ ಶಸ್ತ್ರಮ್|
ಲೋಕಾನ್ಪ್ರಯಾನ್ತು ರಿಪವೋಽಪಿ ಹಿ ಶಸ್ತ್ರ ಪೂತಾ
ಇತ್ಥಂ ಮತಿರ್ಭವತಿ ತೇಷ್ವಪಿ ತೇಽತಿಸಾಧ್ವೀ||18||

ಖಡ್ಗ ಪ್ರಭಾನಿಕರ ವಿಸ್ಫುರಣೈಃ ತಥೋಗ್ರೈಃ
ಶೂಲಾಗ್ರ ಕಾನ್ತಿನಿವಹೇನ ದೃಶೋಽಸುರಾಣಾಮ್|
ಯನ್ನಾಗತಾ ವಿಲಯಮಂಶುಮದಿಂದುಖಣ್ಡ
ಯೋಗ್ಯಾನನಂ ತವ ವಿಲೋಕಯತಾಂ ತದೇತತ್||19||

ದುರ್ವೃತ್ತವೃತ್ತ ಶಮನಂ ತವ ದೇವಿ ಶೀಲಂ
ರೂಪಂ ತಥೈತದವಿಚಿನ್ತ್ಯಮತುಲ್ಯ ಮನ್ಯೈಃ|
ವೀರ್ಯಂ ಚ ಹನ್ತೃ ಹೃತ ದೇವ ಪರಾಕ್ರಮಾಣಾಂ
ವೈರಿಷ್ವಪಿ ಪ್ರಕಟಿತೈವ ದಯಾ ತ್ವಯೇತ್ಥಮ್||20||

ಕೇನೋಪಮಾ ಭವತು ತೇಽಸ್ಯ ಪರಾಕ್ರಮಸ್ಯ
ರೂಪಂ ಚ ಶತ್ರುಭಯಕಾರ್ಯತಿಹಾರಿ ಕುತ್ರ|
ಚಿತ್ತೇಕೃಪಾ ಸಮರನಿಷ್ಠುರತಾ ಚ ದೃಷ್ಟಾ
ತ್ವಯ್ಯೇವ ದೇವಿ ವರದೇ ಭುವನತ್ರಯೇಽಪಿ||21||

ತ್ರೈಲೋಕ್ಯಮೇತದಖಿಲಂ ರಿಪುನಾಶನೇನ
ತ್ರಾತಂ ತ್ವಯಾ ಸಮರಮೂರ್ಥನಿ ತೇಽಪಿ ಹತ್ವಾ|
ನೀತಾ ದಿವಂ ರಿಪುಗಣಾಭಯಮಪ್ಯಪಾಸ್ತಂ
ಅಸ್ಮಾಕಮುನ್ಮದಸುರಾರಿಭವಂ ನಮಸ್ತೇ||22||

ಶೂಲೇನ ಪಾಹಿನೋ ದೇವಿ ಪಾಹಿ ಖಡ್ಗೇನ ಚಾಮ್ಬಿಕೇ|
ಘಣ್ಟಾಸ್ವನೇನ ನಃ ಪಾಹಿ ಚಾಪಜ್ಯಾನಿಸ್ಸ್ವನೇನ ಚ ||23||

ಪ್ರಾಚ್ಯಾಂ ರಕ್ಷ ಪ್ರತೀಚ್ಯಾಂ ಚ ಚಣ್ಡಿಕೇ ರಕ್ಷ ದಕ್ಷಿಣೇ|
ಭ್ರಾಮಣೇನಾತ್ಮ ಶೂಲಸ್ಯ ಉತ್ತರಸ್ಯಾಂ ತಥೇಶ್ವರೀ||24||

ಸೌಮ್ಯಾನಿ ಯಾನಿ ರೂಪಾಣಿ ತ್ರೈಲೋಕ್ಯೇ ವಿಚರನ್ತಿ ತೇ|
ಯಾನಿ ಚಾತ್ಯನ್ತ ಘೋರಾಣಿ ತೈ ರಕ್ಷಾಸ್ಮಾಂ ಸ್ತಥಾ ಭುವಮ್||25||

ಖಡ್ಗಶೂಲಗದಾದೀನಿ ಯಾನಿ ಚಾಸ್ತ್ರಾಣಿ ತೇಽಮ್ಬಿಕೇ|
ಕರಪಲ್ಲವಸಙ್ಗೀನಿ ತೈರಸ್ಮಾನ್ ರಕ್ಷ ಸರ್ವತಃ||26||

ಋಷಿರುವಾಚ||

ಏವಂ ಸ್ತುತಾ ಸುರೈರ್ದಿವ್ಯೈಃ ಕುಸುಮೈಃ ನನ್ದನೋದ್ಭವೈಃ|
ಅರ್ಚಿತಾ ಜಗತಾಂ ಧಾತ್ರೀ ತಥಾ ಗನ್ಧಾನುಲೇಪನೈಃ||27||

ಭಕ್ತ್ಯಾ ಸಮಸ್ತೈಃ ತ್ರಿದಶೈಃ ದಿವ್ಯೈಃ ಧೂಪೈಃ ಸುಧೂಪಿತಾ|
ಪ್ರಾಹ ಪ್ರಸಾದ ಸುಮುಖೀ ಸಮಸ್ತಾನ್ ಪ್ರಣತಾನ್ ಸುರಾನ್||28||

ದೇವ್ಯುವಾಚ||

ವ್ರಿಯತಾಮ್ ತ್ರಿದಶಾಃ ಸರ್ವೇ ಯದಸ್ಮತೋ ಅಭಿವಾಂಚಿತಮ್|
(ದದ್ಯಾಮಹಮತಿ ಪ್ರೀತ್ಯಾ ಸ್ತವೈರೇಭಿಃ ಸುಪೂಜಿತಾ||)29||

ದೇವಾ ಊಚುಃ||

ಭಗವತ್ಯಾ ಕೃತಂ ಸರ್ವಂ ನ ಕಿಂಚಿದವಶಿಷ್ಯತೇ|
ಯದಯಂ ನಿಹತಃ ಶತ್ರುರಸ್ಮಾಕಂ ಮಹಿಷಾಸುರಃ||30||

ಯದಿ ಚಾಪಿ ವರೋ ದೇಯಃ ತ್ವಯಾಽ ಸ್ಮಾಕಂ ಮಹೇಶ್ವರಿ|
ಸಂಸ್ಮೃತಾ ಸಂಸ್ಮೃತಾ ತ್ವಂ ನೋ ಹಿಂ ಸೇಥಾಃ ಪರಮಾಪದಃ||31||

ಯಶ್ಚ ಮರ್ತ್ಯಃ ಸ್ತವೈರೇಭಿಃ ತ್ವಾಂ ಸ್ತೋಷ್ಯತ್ಯಮಲಾನನೇ|
ತಸ್ಯವಿಸ್ತರ್ಧಿ ವಿಭವೈಃ ಧನದಾರಾದಿಸಂಪದಾಮ್|| 32||

ವೃದ್ಧಯೇಽಸ್ಮತ್ ಪ್ರಸನ್ನಾ ತ್ವಂ ಭವೇಥಾಃ ಸರ್ವದಾಮ್ಬಿಕೇ||33||

ಋಷಿರುವಾಚ||

ಇತಿ ಪ್ರಸಾದಿತಾ ದೇವೈರ್ಜಗತೋಽರ್ಥೇ ತಥಾತ್ಮನಃ|
ತಥೇತ್ಯುಕ್ತ್ವಾ ಭದ್ರಕಾಳೀ ಬಭೂವಾನ್ತರ್ಹಿತಾ ನೃಪ||34||

ಇತ್ಯೇತತ್ ಕಥಿತಂ ಭೂಪ ಸಮ್ಭೂತಾ ಸಾ ಯಥಾ ಪುರಾ|
ದೇವೀ ದೇವ ಶರೀರೇಭ್ಯೋ ಜಗತ್ತ್ರಯಹಿತೈಷಿಣೀ||35||

ಪುನಶ್ಚ ಗೌರೀದೇಹಾ ಸಾ ಸಮುದ್ಭೂತಾ ಯಥಾಭವತ್|
ವಥಾಯ ದುಷ್ಟ ದೈತ್ಯಾನಾಂ ತಥಾ ಶುಮ್ಭನಿಶುಂಭಯೋಃ ||36||

ರಕ್ಷಣಾಯ ಚ ಲೋಕಾನಾಂ ದೇವಾನಾಮುಪಕಾರಿಣೀ|
ತತ್ ಶ್ರುಣುಷ್ವ ಮಯಾಖ್ಯಾತಂ ಯಥಾವತ್ಕಥಯಾಮಿ ತೇ||37||

ಇತಿ ಶ್ರೀ ಮಾರ್ಕಂಡೇಯ ಪುರಾಣೇ ಸಾವರ್ಣಿಕೇ ಮನ್ವನ್ತರೇ
ದೇವೀ ಮಹಾತ್ಮ್ಯೇ ಶಕ್ರಾದಿಸ್ತುತಿರ್ನಾಮ
ಚತುರ್ಥೋಽಧ್ಯಾಯಃ||
|| ಓಮ್ ತತ್ ಸತ್||
=====================================
updated 27 09 2022 1600

|| Devi Mahatmyam|| || Sapta Sati|| ||Chapter 4||